新聞類別
財經
詳情#
【明報專訊】前中銀監主席劉明康自2011年退任以來，一直活躍於政經界，平日唔間斷出席各大型論壇發表經濟評論。每每劉明康都係喺高高講壇上發言，喺人群簇擁下疾步離去。噚日，劉教授罕有以中大「傑出研究員」（Distinguished Research Fellow）嘅身分，現身中大舉辦嘅小型記者會，大批記者難得可以埋身，當然要同佢換卡片。
噚日得意嘅就係，劉明康嘅新卡片上赫然印有「香港中文大學全球經濟及金融研究所 BCT銀聯集團傑出研究員」，呢個Title相比同樣出任研究所傑出研究員嘅任志剛，正正多咗「BCT銀聯集團」幾個字。BCT作為強積金服務公司，銀聯信託今次可以為前中銀監主席冠名，可謂大出風頭。
講番劉教授今次來香港，係應中大全球經濟及金融研究所邀請，擔任近期舉辦嘅巴塞爾III研討班嘅主要講者，噚日記者會嘅主題就係呢個研討班。劉明康開場先話自己「不在其位，不謀其政」，有關內銀嘅問題「要以後請尚福林主席來回答」。不過講到佢最推崇嘅風險控制，劉教授就停唔到口。佢話，市場十分擔心內銀影子銀行嘅存在同活動其實不足為奇，問題關鍵在於吸收存款嘅持牌機構（即銀行）與影子銀行之間有沒有資金上嘅關聯，「只要切斷存款人存款和影子銀行之間的關係，就可避免系統性風險的發生。」劉明康呢個講法正正同前日中銀監「嚴禁銀行銷售私募股權基金產品」不謀而合。
email: [email protected]
噚日得意嘅就係，劉明康嘅新卡片上赫然印有「香港中文大學全球經濟及金融研究所 BCT銀聯集團傑出研究員」，呢個Title相比同樣出任研究所傑出研究員嘅任志剛，正正多咗「BCT銀聯集團」幾個字。BCT作為強積金服務公司，銀聯信託今次可以為前中銀監主席冠名，可謂大出風頭。
講番劉教授今次來香港，係應中大全球經濟及金融研究所邀請，擔任近期舉辦嘅巴塞爾III研討班嘅主要講者，噚日記者會嘅主題就係呢個研討班。劉明康開場先話自己「不在其位，不謀其政」，有關內銀嘅問題「要以後請尚福林主席來回答」。不過講到佢最推崇嘅風險控制，劉教授就停唔到口。佢話，市場十分擔心內銀影子銀行嘅存在同活動其實不足為奇，問題關鍵在於吸收存款嘅持牌機構（即銀行）與影子銀行之間有沒有資金上嘅關聯，「只要切斷存款人存款和影子銀行之間的關係，就可避免系統性風險的發生。」劉明康呢個講法正正同前日中銀監「嚴禁銀行銷售私募股權基金產品」不謀而合。
email: [email protected]
留言 (0)
