綠領行動派環保利市封

【明報專訊】話咁快又到一年一度利市嘅日子，綠領行動統計顯示，港人每年平均用1.8億個新利市封，等於砍伐9000棵樹，唔係幾環保。綠領行動高級項目主任郭盈盈話，好多人咗利市，攞咗裏面嘅錢就掉咗利市封，其實利市封可以循環再用，於是佢哋喺2010年推出「利市封回收重用大行動」，3年來共收集129萬個舊利市封，其中上年就佔咗90萬個，反映市民嘅環保意識高咗。


綠領行動將收集到嘅舊利市封，交畀心理衛生會嘅200幾名學員處理，篩選出45萬個，按大小簡單分類，再喺背面蓋上「多謝你支持利市封重用行動」標語，50個一疊，喺農曆年前派畀學校及屋苑等。綠領行動已預留5萬個「新生利市封」，喺2月2日及3日下午2時至5時，喺銅鑼灣同旺角行人專用區派畀市民。