CY前助手 鄭希喧落戶港鐵

【明報專訊】由梁振英（CY）蟄伏到佢競選特首一直係佢幫手嘅Scott（鄭希喧），最近有新着落，個幾禮拜前佢已經去到港鐵公司事務部報到做大公關，負責鐵路新項目同物業發展。


其實，喺CY競選成功後，Scott冇跟CY入政府，走咗出嚟自立門戶搞公司，接啲公關顧問嘅job做，包括幫屯門鄉委會主席何君堯出戰立法會選舉，不過，最後佢決定唔做老闆，跳入港鐵幫手。


Scott話，好多年前做公關公司時已經同港鐵合作過，所以對港鐵都有一定認識。而佢喺港鐵嘅工作，主要負責有關新鐵路項目嘅策略性公關工作，因為港鐵有好多新項目，所以挑戰都好大。港鐵未來十幾年大把新工程，Emily祝佢工作順利。