餐廳預知熊刺狼？

【明報專訊】叛逆梁粉劉夢熊大戰特首梁振英，這熊狼大戰激發網民無限創意，有網民就喺開飯網搵到一間餐廳竟然係叫「熊刺狼日本料理店」，即時引起議論，唔通呢間餐廳未卜先知？呢間餐廳仲要係上個月開張，個名好切合家嘅熊狼大戰喎。


職員：名字無關政治

Emily噚日問過餐廳職員點解改呢個名，佢一聽到，即刻好有政治敏感度咁話﹕「你如果問食物好唔好食，我有好多嘢答；如果係問個名，我就冇乜可以講。總之個名係同任何人士同埋政治無關。」


至於網民就繼續玩熊狼大戰，繼前日玩盡動物紀錄片後，噚日就有人將《殺破狼》呢套戲既海報變咗做《熊破狼》。


不過，噚日一眾梁粉如羅范椒芬等出嚟護航，加上梁振英接受亞視訪問，話自己無諗過下台，今早又會出席無綫電視節目《講清講楚》，明顯開始反擊，稍後網民嘅惡搞主題可能會係群狼反撲。