撈唔撈旅發局？田少都唔知

【明報專訊】唔經唔覺，田北俊做咗旅遊發展局主席已經6年，若政府確切執行公職「3+3」政策（即一人只可以連續做3任期（兩年一任期）同出任3份公職），應係時候起身。但田少噚日話，未收到政府通知佢會續任定係離任，不過佢話即使離任，日後都會同旅發局接觸。


田少同Emily講，佢做旅發局主席，就唔可以做立會經濟事務委員會主席，因為委員會係旅遊政策嘅對口，會有利益衝突。所以，如果佢唔做旅發局主席，出年就會做經濟事務委員會主席，可以實旅發局工作。


可以跳去經濟事務委員會

經濟事務委員會主席話做就有得做？田少解釋，因為委員會主席個位係協商，所以佢無得做旅發局主席，都可以做委員會主席。至於旅發局主席邊個接手，田少話佢都唔知，亦都無權推薦。