新聞類別
財經
詳情#
【明報專訊】小琴身邊好多朋友，聽聞今年市况轉好，都紛紛諗住入市賺番一筆。小琴噚日去LGT私人銀行聽報告，發覺比起新加坡同瑞士人，香港人最鍾意賺快錢，但又最唔鍾意聽專家意見（見圖）。不過究竟係香港人懶醒，抑或真係叻仔啲，報告就無提到啦。
LGT舊年調查咗515名來自瑞士、新加坡同香港嘅受訪者，每人嘅資產都在100萬美金（包括房產）以上。原來香港人投資非常進取，認為自己嘅投資組合喺未來5年回報可達10%以上嘅比例，高達6成。其他兩國嘅有錢佬就保守好多，尤其瑞士人，只有6%會追求10%回報。
報告亦發現，香港人對自己嘅投資水平係非常有信心。有3成香港人覺得自己對投資嘅認識非常深入，遠高於新加坡7%。更有55%香港人做投資決定時，習慣關起門，發揮自己嘅小宇宙，其他兩國自把自為嘅比例就低好多。
點解香港人會有咁嘅投資習慣呢？報告負責人之一嘅科大教授陳家樂都答唔到小琴呢個問題，只猜測可能97回歸前，好多港人擔心時局不穩，希望拿拿聲賺啲快錢去移民，所以更願意承受風險，當然亦嚟唔切諮詢太多人啦！
email: [email protected]
LGT舊年調查咗515名來自瑞士、新加坡同香港嘅受訪者，每人嘅資產都在100萬美金（包括房產）以上。原來香港人投資非常進取，認為自己嘅投資組合喺未來5年回報可達10%以上嘅比例，高達6成。其他兩國嘅有錢佬就保守好多，尤其瑞士人，只有6%會追求10%回報。
報告亦發現，香港人對自己嘅投資水平係非常有信心。有3成香港人覺得自己對投資嘅認識非常深入，遠高於新加坡7%。更有55%香港人做投資決定時，習慣關起門，發揮自己嘅小宇宙，其他兩國自把自為嘅比例就低好多。
點解香港人會有咁嘅投資習慣呢？報告負責人之一嘅科大教授陳家樂都答唔到小琴呢個問題，只猜測可能97回歸前，好多港人擔心時局不穩，希望拿拿聲賺啲快錢去移民，所以更願意承受風險，當然亦嚟唔切諮詢太多人啦！
email: [email protected]
留言 (0)
