王國興賀年橫額：不公則攻

【明報專訊】工聯會立法會王國興嘅書法秀麗，最近街上出現佢嘅橫額，又見佢嘅作品﹕「日以繼夜 夜以繼日 不平則鳴 不公則攻」，頭兩句當然熟口熟面啦，係上年立法會有人拉布時，王議員力抗拉布嘅豪言壯語。


王國興同Emily講，佢哋呢一屆立法會先啱啱抽完籤，分配各議員嘅橫額位置，雖然臨近農曆新年，但佢覺得如果就咁寫「恭賀新禧」會好老土，不如搞搞新意思，寫下佢對選民嘅承諾仲好啦。至於「不公則攻」，點攻呢？王國興就話，遇到唔公平嘅嘢佢就會出擊進攻，為選民發聲喎。