新聞類別
港聞
詳情#
【明報專訊】經民聯7名立法會議員，噚日齊齊著上印有QR code嘅衫喺立法會任人「嘟」（圖左為副主席林健鋒），原來佢哋個網站啟用，7個議員喺網頁各自教大家生活小百科，只要大家嘟咗，就可以立即上佢哋個網睇吓喇。佢哋唔少人都講番自己嘅專業，好似工程界盧偉國就教驗樓9招，地產及建造界石禮謙就提供買二手樓嘅小貼士，鄉議局主席劉皇發就介紹3個屯門景點。
提供買樓股市小貼士
石禮謙教大家買樓前做足功課，記住「查家宅」後先好買，好似上城規會網站查吓，究竟單位附近日後仲有無新建築物有可能阻擋景觀，買樓前問吓地產代理係咪「凶宅」，亦要睇清楚大廈公契，了解有乜嘢維修費要業主承擔，以及小心銀行估價不足等。
至於做咗證券行幾十年嘅金融服務界張華峯，就講吓蛇年股市喇，佢話相信今年股市應該好過之前兩年，但就叫大家都要小心，因為歐美債務問題仍然存在，市况隨時反覆，佢雖然無提供「冧把」，但就話覺得環保股同能源股會有優勢，又話藍籌股始終抗跌力強，所以都可以諗下。有興趣知經民聯嘅資訊，可瀏覽www.bpahk.org。
（劉焌陶攝）
提供買樓股市小貼士
石禮謙教大家買樓前做足功課，記住「查家宅」後先好買，好似上城規會網站查吓，究竟單位附近日後仲有無新建築物有可能阻擋景觀，買樓前問吓地產代理係咪「凶宅」，亦要睇清楚大廈公契，了解有乜嘢維修費要業主承擔，以及小心銀行估價不足等。
至於做咗證券行幾十年嘅金融服務界張華峯，就講吓蛇年股市喇，佢話相信今年股市應該好過之前兩年，但就叫大家都要小心，因為歐美債務問題仍然存在，市况隨時反覆，佢雖然無提供「冧把」，但就話覺得環保股同能源股會有優勢，又話藍籌股始終抗跌力強，所以都可以諗下。有興趣知經民聯嘅資訊，可瀏覽www.bpahk.org。
（劉焌陶攝）
留言 (0)
