毛孟靜范國威埋班

【明報專訊】公民黨毛孟靜同新民主同盟范國威喺選舉期間已力打「港人優先」、「反對大陸化」等議題，時常「認字特警」上身，一旦發現有商戶以簡體字代替繁體字就去抗議。佢哋二人近期愈走愈埋，以個人身分成立兩人組織「香港本土」，話要力保香港本土文化咁話。


Miss Mo話，家水貨客嘅問題已令香港人忍無可忍，佢話即使政府考慮收緊法例，規限奶粉出口，都難以根本解決問題，因為「今日奶粉、聽日益力多、後日金莎」，水貨客走私嘅種類多到數唔晒，建議政府直接喝停一簽多行仲好。


向來關注語言使用嘅Miss Mo又話，接受唔到香港人嘅口語慢慢「大陸化」，好似「質素」變咗「素質」等，噚日范國威話「『讓』香港人」時都畀佢糾正做「『等』香港人」，睇嚟佢對用字都真係好認真。


難頂口語「大陸化」

范國威就話，梁振英成日講到自己係「自由行之父」，但就根本睇唔到自由行對香港社會嘅負面影響，佢話自由行對於梁振英，就好比八萬五對於董建華咁，足以影響香港人對二人嘅歷史評價。