馬迷叫財爺派錢

【明報專訊】同人唔同命，特首梁振英上年12月去馬場出席國際賽揭幕儀式頒發典禮時，被馬迷報以噓聲，認真無癮，家CY就放緊大假。噚日年初三賀歲馬，換上財政司長曾俊華出場（圖），結果噓聲就無，馬迷同普羅市民一樣，一見財爺就大叫佢「派錢」，提佢本月底發表財政預算案時要還富於民，仲話派就係派政府錢啫，曾俊華你有乜所謂呀，而心情大靚嘅財爺就向馬迷拜年。


曾俊華噚日帶埋太太去馬場感受氣氛，而且仲好緊張，財經事務及庫務局長陳家強亦同太太現身，當去到第九場賀年盃時，陳家強等仲去跑道旁邊睇馬仔衝刺