新聞類別
港聞
詳情#
【明報專訊】立法會嘅「盛女」麥美娟啱啱同家人去新加坡旅遊兼探親，今日情人節，佢就講笑話「無壓力、無hard feeling！」，話今日會「安然度過」，同家人一齊過節。好多單身貴族都唔鍾意過年嘅家庭聚會，怕被親友問長問短，Emily問麥美娟有冇被親友關心幾時出嫁，佢哈哈大笑，「我已過咗被人問嘅年紀」，所以無呢啲煩惱。
麥美娟今年42歲，唔止家人關心佢嘅姻緣，特首梁振英（CY）上年落區時，講笑話可介紹5個男仔畀佢，但CY真係呃人，麥美娟話CY無咗下文，但就算有介紹，佢都話唔使喇，佢仲話，如果要向CY「追債」，都係追標準工時立法嘅承諾，而唔係追問自己嘅幸福喎。
老公送菊花 Miss Mo大吉利市
至於公民黨毛孟靜，一家人喺農曆新年未有一齊過，佢大仔去咗蒙古、細仔喺德國、老公去咗菲律賓，佢亦同親戚去咗日本沖繩玩，遙望釣魚島。
不過講到情人節，剛返港嘅Miss Mo堅持要同結婚31載嘅外籍丈夫過，但就講笑話最怕收花，事關佢老公不諳中國文化，以為玫瑰俗氣，曾經送過「清香」嘅大黃菊花畀佢，唔知中國人多數係拜山先會買菊花，搞到佢唔知好嬲定好笑，「真係大吉利市！」
麥美娟今年42歲，唔止家人關心佢嘅姻緣，特首梁振英（CY）上年落區時，講笑話可介紹5個男仔畀佢，但CY真係呃人，麥美娟話CY無咗下文，但就算有介紹，佢都話唔使喇，佢仲話，如果要向CY「追債」，都係追標準工時立法嘅承諾，而唔係追問自己嘅幸福喎。
老公送菊花 Miss Mo大吉利市
至於公民黨毛孟靜，一家人喺農曆新年未有一齊過，佢大仔去咗蒙古、細仔喺德國、老公去咗菲律賓，佢亦同親戚去咗日本沖繩玩，遙望釣魚島。
不過講到情人節，剛返港嘅Miss Mo堅持要同結婚31載嘅外籍丈夫過，但就講笑話最怕收花，事關佢老公不諳中國文化，以為玫瑰俗氣，曾經送過「清香」嘅大黃菊花畀佢，唔知中國人多數係拜山先會買菊花，搞到佢唔知好嬲定好笑，「真係大吉利市！」
留言 (0)
