馮程淑儀淡定殺敵

【明報專訊】Emily同幾個報章行家喺農曆新年前去尖東香港藝術館訪問康文署長馮程淑儀，聽吓佢講未來一年嘅展覽大計，同埋已經啟用20年嘅香港藝術館嘅翻新計劃。採訪一開始，突然間有一隻「小強」喺地下走過，大搖大擺咁穿過我哋中間，走咗去一個女記者嘅腳邊，嗰位女記者受驚即時彈起，不過署長好淡定，即刻叫職員過去幫手，結果職員不負眾望，用腳踩死曱甴同埋清洗現場，訪問繼續。


女記者受驚彈起

馮太好希望爭取到撥款4億元翻新設施開始老化既藝術館，如果場地唔改善，好難繼續接待國寶級藝術品嚟香港展覽，亦令到一啲香港藏品無辦法得見天日。佢話好快就會先將撥款計劃交上區議會，希望爭取議會支持，順利過關。