新聞類別
財經
詳情#
【明報專訊】「星爺」周星馳最新力作《西遊．降魔篇》，大年初一喺內地開畫。小琴噚日聽講，套戲短短3日就吸金2.2億人仔，刷新埋華語片開畫3日票房紀錄，果然氣勢不凡。不過票房打響頭炮，星爺擔任執行董事嘅投資商比高（8220），噚日股價反而逆市跌咗3.7%，令人想爆頭。
拍三級片出名 3D數碼仍要蝕
另一邊廂，因為拍咗《3D肉蒲團》、《一路向西》而小有名氣嘅創業板公司中國3D數碼（8078）噚日公布中期業績，雖然有新片撐場，公司截至去年底的半年虧損依然高達940萬港元，按年幾乎冇好轉，皆因拍電影點都要燒錢喔。不過，公司似乎對於本港三級片市場嘅潛力信心爆棚、志在必得，業績內宣布明年仲要拍3D肉蒲團續集、《4D肉蒲團》，話會應用D-Box系統，「以提升電影的享受層次」喔。小琴好奇，間公司聽日個股價又會有咩反應呢？
小琴近排掛住四圍拜年，仲未有機會去捧星爺場。不過，翻看不少內地影迷喺豆瓣網嘅評價，可見讚好、唱衰兩個「陣營」褒貶相當分歧，評價可謂天差地別。
星爺忠實fans﹕最賀歲一部
有唔少星爺忠實fans就話，西遊係咁多同期電影之中「最賀歲的一部」，笑到個肚抽筋，仲話喺中國電影院睇得到咁「暴力血腥」嘅電影係「實在難得」。不過同時，亦有網友毫不客氣咁話套戲「靈感枯竭，情感空洞」，「兩顆星（滿分五星）純粹是對偶像墮落的安慰」，完全無法同《大話西遊》相提並論喔。究竟西遊能否順利完成券商預期嘅10億票房，大家拭目以待啦。
email: [email protected]
拍三級片出名 3D數碼仍要蝕
另一邊廂，因為拍咗《3D肉蒲團》、《一路向西》而小有名氣嘅創業板公司中國3D數碼（8078）噚日公布中期業績，雖然有新片撐場，公司截至去年底的半年虧損依然高達940萬港元，按年幾乎冇好轉，皆因拍電影點都要燒錢喔。不過，公司似乎對於本港三級片市場嘅潛力信心爆棚、志在必得，業績內宣布明年仲要拍3D肉蒲團續集、《4D肉蒲團》，話會應用D-Box系統，「以提升電影的享受層次」喔。小琴好奇，間公司聽日個股價又會有咩反應呢？
小琴近排掛住四圍拜年，仲未有機會去捧星爺場。不過，翻看不少內地影迷喺豆瓣網嘅評價，可見讚好、唱衰兩個「陣營」褒貶相當分歧，評價可謂天差地別。
星爺忠實fans﹕最賀歲一部
有唔少星爺忠實fans就話，西遊係咁多同期電影之中「最賀歲的一部」，笑到個肚抽筋，仲話喺中國電影院睇得到咁「暴力血腥」嘅電影係「實在難得」。不過同時，亦有網友毫不客氣咁話套戲「靈感枯竭，情感空洞」，「兩顆星（滿分五星）純粹是對偶像墮落的安慰」，完全無法同《大話西遊》相提並論喔。究竟西遊能否順利完成券商預期嘅10億票房，大家拭目以待啦。
email: [email protected]
留言 (0)
