【明報專訊】歐陽震華（Bobby）日前因急性肺炎，被送入深切治療部（ICU），連日來病情逐漸好轉，前晚轉到特別病房。Bobby可進食流質食物，但為食的他難忍口，竟趁太太傅潔嫻及經理人Lydia離開時，外賣茶餐及花生醬多士，認真鬼馬！好友蘇永康、無綫高層梁家樹、《情逆三世緣》監製莊偉健昨午先後探望。
食水果 飲靚湯
Bobby病情持續好轉，昨午3時許，太太及經理人到醫院，Lydia表示Bobby情况OK，昨晚ICU要收新症，所以他轉病房；Bobby進展好快，希望盡快出院。傅潔嫻煲了靚湯給老公，Lydia說：「Bobby可進食流質食物，今日吃了薛家燕送來的水果，監製莊偉健都送來果籃。Bobby好想食嘢，看電視見到食物廣告即說好肚餓，扁嘴擰歪面；他想飲啖水，但我們不准，怕有細菌。」Bobby目前未落得牀，傅潔嫻說老公瘦了少許。至於Bobby有無呻好悶？兩人笑說Bobby有電視睇及看雜誌。
蘇永康踢爆依舊狼吞虎嚥
Bobby之前因心痛而暫停拍劇，傅潔嫻說：「之前他有少許不舒服，諗住冇事，我都係今日先知。」Lydia補充：「是心肺功能問題，肺有問題，所以影響到心臟較弱。」5時許，Lydia步出接前來探病的蘇永康，她說：「Bobby之前趁我哋出去，靜靜雞叫了個茶餐，還有花生醬多士。」蘇永康於6時離開，他說Bobby好精靈，胃口好好。「我進去時剛巧食飯時間，Bobby依舊狼吞虎嚥，我叫他不要吃得這麼快。Bobby本來叫我帶爽身粉給他，因他有嚴重潔癖，現在仍要插喉，未能冲涼，但我冇買到。」他代表BIG FOUR探望，他續說：「昨（前）晚慶功宴時，張衛健飲醉似MJ姿勢，需要別人扶走，梁漢文亦打斜行，許志安和Sammi最清醒。」
《情》劇監製莊偉健探望
梁家樹與莊偉健於昨晚6時許前來探望，梁家樹表示不是給Bobby壓力，最重要他健康，目前先拍其他戲分。傅潔嫻與Lydia於晚上8時離開，對於傅潔嫻先發現Bobby有異樣、Bobby酒精中毒等傳聞，傅潔嫻再次澄清Bobby是肺炎，最早是朋友發現他不適。
記者：李潔盈
新聞類別
娛樂
詳情#
留言 (0)
