鄭希喧：有另一個生活

【明報專訊】幫過特首梁振英助選、現任港鐵項目及物業傳訊高級經理嘅鄭希喧（Scott），2月初被國民教育家長關注組指佢曾聲稱代表中聯辦向關注組發布「好消息」，更指特首梁振英已經「out of the equation」（與事件無關）。Emily之後一直搵唔到佢回應，手機唔通，打去佢office又話佢放咗假。至噚日Emily終於打到入去佢office，不過Scott就以家喺港鐵工作、有「另一個生活」為由，唔回應指控。


國教家長關注組發言人陳惜姿話，件事足足半年前，同Scott家工作無關，一般市民都知呢個係藉口，質疑佢始終都無答到有冇講過，究竟係為中聯辦傳話定係自把自為，一切疑問暫時唯有留畀公眾自行判斷。