「教5年內買車買樓」熱傳 李嘉誠澄清無講過

【明報專訊】香港富商李嘉誠一言一行向來備受關注，尤其係佢嘅投資同理財之道，近日互聯網、多個網上討論區廣泛流傳一篇所謂李嘉誠嘅「傳授5年內買車買房秘訣」文章，話無論收入多少，都應該將每月收入分為5份，第一份用作生活費、第二份用來交朋友、第三份用來學習、第四份用來旅遊、第五份用來投資，咁樣5年內就可以買車買樓喇。


呢篇文章遠至台灣媒體都報道，由於太多人瘋傳，李嘉誠噚日透過發言人澄清，從來無發表類似言論喎。


發言人話，網上不時流傳所謂李嘉誠嘅論點或箴言，但好多時候呢啲內容未必出自超人。發言人提醒，大家若想睇李嘉誠嘅公開演辭，可瀏覽李嘉誠基金會網站（www.lksf.org）。