吳邦國首訪澳門 想感受和諧氛圍

【明報專訊】繼中共中央總書記習近平、國家主席胡錦濤後，再有國家領導人南下，不過係去澳門。全國人大常委會委員長吳邦國噚日抵達澳門，展開為期3日訪問，並出席澳門《基本法》頒布20周年嘅紀念活動。


首次訪澳嘅吳邦國一到澳門，就話希望此行可感受到當地欣欣向榮嘅發展、和諧穩定嘅社會氛圍同獨具特色嘅文化傳統，大讚澳門回歸後，特首及特區政府都認真貫徹「一國兩制」方針、嚴格按照基本法辦事。其後佢再視察澳門大學橫琴校區，詢問校區規劃同建設情况。


民建聯葉國謙話，冇聽到吳邦國此行會接見香港嘅官員或者建制派，又話吳邦國訪澳慶祝基本法頒布20周年好正常，唔覺得佢嘅發言對香港有乜嘢特別玄機。