新聞類別
財經
詳情#
【明報專訊】中國人講究送禮,而家送禮都要送得有新意。生產被套、牀褥等牀上用品嘅卡撒天嬌(2223),其副主席鄭斯璨就講,公司有一款高檔羽絨被,每張售價10多萬港紙,一年先至生產20張。一張賣10萬蚊嘅天價被,究竟有什麼特別?
鴨子腋下毛所製
鄭斯璨話,呢張天價被係由冰島生長嘅當地特定鴨子嘅腋下毛所製,極輕極柔,不過在場嘅女士即時O晒嘴。鄭生忙解釋話,呢種毛唔可以用人手掹,而係等鴨子褪毛時,搵人喺地上一啲啲執,所以咁矜貴。女士們先鬆口氣,話咁樣都環保啲。
鄭生講,一般客人都係買來送人,公司會出埋證書。家係SOGO嘅櫃枱有訂貨,一年亦就賣10幾張。
看好內地市場
講到大陸市場,鄭生講,卡撒天嬌現在一年香港嘅生意額有2億幾,不過增長比較慢,但公司在內地就好好前景,因為內地牀上用品消費啱啱起步,唔少人裝修新屋、結婚送禮,都會8件套12件套咁買,平均一單消費等於香港兩單。不過,內地市場就好分散,暫時未有一個全國性品牌,而係一個城市一個地頭品牌。為打響知名度,卡撒天嬌已計劃拍攝一套15分鐘嘅微電影,放喺深圳灣關口播放,不知自由行會唔會鍾意呢?
鴨子腋下毛所製
鄭斯璨話,呢張天價被係由冰島生長嘅當地特定鴨子嘅腋下毛所製,極輕極柔,不過在場嘅女士即時O晒嘴。鄭生忙解釋話,呢種毛唔可以用人手掹,而係等鴨子褪毛時,搵人喺地上一啲啲執,所以咁矜貴。女士們先鬆口氣,話咁樣都環保啲。
鄭生講,一般客人都係買來送人,公司會出埋證書。家係SOGO嘅櫃枱有訂貨,一年亦就賣10幾張。
看好內地市場
講到大陸市場,鄭生講,卡撒天嬌現在一年香港嘅生意額有2億幾,不過增長比較慢,但公司在內地就好好前景,因為內地牀上用品消費啱啱起步,唔少人裝修新屋、結婚送禮,都會8件套12件套咁買,平均一單消費等於香港兩單。不過,內地市場就好分散,暫時未有一個全國性品牌,而係一個城市一個地頭品牌。為打響知名度,卡撒天嬌已計劃拍攝一套15分鐘嘅微電影,放喺深圳灣關口播放,不知自由行會唔會鍾意呢?
留言 (0)