新聞類別
娛樂
詳情#
【明報專訊】誰說男明星陳豪、歐陽震華、吳啟華才可以做到師奶殺手？蔡少芬（Ada）都是師奶殺手喎！
超市「濕平」打躉
Ada自從嫁給最近憑電影《一代宗師》人氣急升的武打明星張晉，婚後生完囡囡楚兒，現在佗緊第二個BB，他們一家幾口現在住在元朗一個大型的屋苑裏面，屋苑範圍雖然很大，不過很多村民都知道跟女明星做鄰居。信教的Ada是個勤力、外向的師奶，除了拍戲、登台搵奶粉錢外，閒來經常湊女，到屋苑附近的大型超級市場「濕平」、打躉，同其他師奶、村民見得多，熟口熟見，自自然然就聚在一起打牙骱。
態度友善雞啄唔斷
Ada雖然是大明星，不過這裏的街坊指Ada出入屋苑都沒有擺架子，只會對住老公說話才粗聲粗氣，見到外人態度就好友善，同其他師奶最啱嘴形，還會傾到雞啄唔斷，都算幾受歡迎。
Ada同其他師奶這麼好傾，到底傾什麼？哦，大姐大聽這裏的村民講，Ada不是為八是非，跟班師奶只是討論一下瑣碎事，傾一下隻炒餸鑊用法，就由白天傾到天黑，真是得啖笑！
做奸角被睇穿
原來傾鑊只是開場白，Ada趁同街坊混熟了，超市都變成收集情報地盤。她早前有份參演的國產電視劇《後宮甄嬛傳》，由內地紅到來香港，她想知自己在戲中的演出如何，就問有看過該劇的師奶們有何意見，有師奶說：「一睇就知你做奸角啦！」Ada說：「我個角色，不是奸出面那種。」師奶對Ada說：「咁你做得唔夠好啦！」
嘩！大姐大聽到都打個突，師奶，咁唔畀面呀！不過，諗深一層，師奶夠坦白，是真正的民意，相信Ada不會嬲，反而應該開心，聽到真說話，等如袋錢入自己個袋，說不定變換一下演戲方法，會畀觀眾有驚喜呢！
超市「濕平」打躉
Ada自從嫁給最近憑電影《一代宗師》人氣急升的武打明星張晉，婚後生完囡囡楚兒，現在佗緊第二個BB，他們一家幾口現在住在元朗一個大型的屋苑裏面，屋苑範圍雖然很大，不過很多村民都知道跟女明星做鄰居。信教的Ada是個勤力、外向的師奶，除了拍戲、登台搵奶粉錢外，閒來經常湊女，到屋苑附近的大型超級市場「濕平」、打躉，同其他師奶、村民見得多，熟口熟見，自自然然就聚在一起打牙骱。
態度友善雞啄唔斷
Ada雖然是大明星，不過這裏的街坊指Ada出入屋苑都沒有擺架子，只會對住老公說話才粗聲粗氣，見到外人態度就好友善，同其他師奶最啱嘴形，還會傾到雞啄唔斷，都算幾受歡迎。
Ada同其他師奶這麼好傾，到底傾什麼？哦，大姐大聽這裏的村民講，Ada不是為八是非，跟班師奶只是討論一下瑣碎事，傾一下隻炒餸鑊用法，就由白天傾到天黑，真是得啖笑！
做奸角被睇穿
原來傾鑊只是開場白，Ada趁同街坊混熟了，超市都變成收集情報地盤。她早前有份參演的國產電視劇《後宮甄嬛傳》，由內地紅到來香港，她想知自己在戲中的演出如何，就問有看過該劇的師奶們有何意見，有師奶說：「一睇就知你做奸角啦！」Ada說：「我個角色，不是奸出面那種。」師奶對Ada說：「咁你做得唔夠好啦！」
嘩！大姐大聽到都打個突，師奶，咁唔畀面呀！不過，諗深一層，師奶夠坦白，是真正的民意，相信Ada不會嬲，反而應該開心，聽到真說話，等如袋錢入自己個袋，說不定變換一下演戲方法，會畀觀眾有驚喜呢！
留言 (0)
