「樂雨」今返港 叫粉絲「忍耐」

【明報專訊】余文樂與吳雨霏（Kary）傳拍拖同遊英國後，仍在英國的樂仔昨日再被網民影到跟Kary一齊，但Kary繼續做「影後」，未能看見正面。有消息指兩人今日傍晚返港，到底他們會拖手認拍拖，或是分開走，就有待分揭！不過樂仔之前在微博講過，在事業之外，其他事想低調，以他的風格，就未必肯拖手出閘。


有粉絲昨於網上分享，在英國機場遇到樂仔有不同待遇，其中一人表示影樂仔相時捱鬧，被樂仔誤當狗仔隊追訪，估計他想保護身邊的女友，但認不出該女子是誰！另一女學生則大讚樂仔好人，要求合照沒托手踭，還鼓勵她努力讀書。樂仔其後在Instagram貼出「忍耐」二字，未知是受到追訪困擾有感而發，或是叫大家等住他公開與Kary拍拖呢？


千嬅﹕粉絲要時間接受

楊千嬅、王馨平昨出席美容中心活動。對於樂仔和Kary傳出拍拖，掀起相方粉絲對罵，千嬅說﹕「無聽過鬧交事件，每個人接受都要時間，如果他們拍拖，我會戥他們開心。」王馨平則認為藝人拍拖比較辛苦一點，若真的拍拖，會送祝福。


記者﹕鍾一虹

■有片睇﹕http://ol.mingpao.com/ent.htm