行會採訪安排惜住CY

【明報專訊】唔少傳媒都會喺特首辦門外，等候特首梁振英逢星期二行政會議開會後接受訪問，不過近排唔少示威者喺CY受訪時喺佢後面抗議，搞到CY成日要同佢哋鬥大聲。特首辦今日實施新安排，除咗開放特首辦正門外嘅原本指定位置畀記者等候，更會同步開放特首辦地下大堂採訪區，以後CY講嘢，可以清靜少少嘞。


正門外嘅原本指定位置開放時間，早前由上午7時30分起，日後地下大堂採訪區亦會同步開放，但行會結束後，兩個採訪位置就即停止開放。如果記者仲未有政府總部記者證，就要先喺特首辦4號閘口或政府總部東翼地下嘅指定接待處，申請即日許可證。唔好以為好近，由東翼去特首辦，足足要經6道門！


搞許可證有排行

但Emily覺得，除咗採訪位置，CY肯唔肯開金口都好緊要，若果CY每次見記者都只係講自己嘢，唔答問題，咁就點靜都無用！