安迪華荷展延長 做埋4．1

【明報專訊】普普大師（Pop Art）安迪．華荷（Andy Warhol）作品展正喺尖沙嘴梳士巴利道嘅香港藝術館舉行，巡迴展原本今個月31日就完，但主辦單位康文署見反應熱烈，噚日宣布延期1日咁多，做埋4月1日，等市民可以把握復活節假期最後衝刺。


其實展覽嚿年12月16日開始，至今已有超過21萬名觀眾人次，即係每日平均有2700人入場！展覽展出安迪華荷30年藝術生涯嘅468件作品，有繪畫、手稿、攝影、雕塑以至佢拍攝嘅電影，當中包括瑪麗蓮夢露肖像畫系列、金寶湯畫像系列等，全部由安迪．華荷美術館借出，相當珍貴。記住藝術館逢周四休館，周一、二、五至日收費20元，周三平啲收10元，開放時間每朝10點至晚上8時。藝術館每日都有免費導賞服務。