曾鈺成未諗過2017選特首

【明報專訊】民建聯主席譚耀宗早排接受傳媒訪問，話黨友立法會主席曾鈺成有條件喺2017年參選特首。


曾鈺成噚日畀人問會唔會參加下屆特首選舉，佢就話從來未諗過呢個問題，話如果要參選，要考慮好多因素，包括個人能力同年齡等等，到2017年佢已經70歲，相信好多事都會力不從心。


到時70歲 怕力不從心

泛民話2017年特首選舉如果有預選，將唔會係真普選。曾主席噚日就話唔會形容呢個係「預選」，佢話《基本法》45條提到，要由廣泛代表性嘅委員會，經民主程序提名嘅方法產生特首候選人，任何選舉都唔可以牴觸《基本法》，至於點可以達到《基本法》條件同大家都支持嘅方案，就要大家討論。