尤德夫人好精神

【明報專訊】為紀念已故前港督尤德設立嘅尤德爵士紀念基金，噚日舉辦第26屆獎學金頒獎禮，基金會今年共派出672萬元獎學金，表揚900多名有傑出表現嘅學生、在職人士同學徒。近年好少亮相公開場合嘅尤德爵士夫人（右二）亦有出席，擔任主禮嘉賓。


已經86歲嘅尤德夫人噚日喺尤德爵士紀念基金理事會主席陳祖澤（右一）攙扶下，步入頒獎場地大會堂音樂廳。夫人望落精神唔錯，笑容滿分兼步履輕盈，親手頒獎畀一眾得獎者之後，仲主動邀請獲獎學生站立鼓掌，向一直支持佢哋嘅父母同老師致謝。


唔少中年人應該都好記得尤德，呢位港督喺1986年訪京期間病發猝死，係任內逝世港督，有唔少港人懷念佢。


（余俊亮攝）