國泰貴賓室43歲

【明報專訊】有錢人搭飛機，通常喺等上機前，都會去貴賓室休息。家嘅休息室設備好齊全，除咗梳化等基本設施，仲有浴室方便顧客，仲有埋香檳畀顧客飲，但係幾十年前嘅候機室又係點嘅呢？喺國泰航空出版嘅刊物《國泰天地》，提到國泰首個候機貴賓室，原來設於香港，喺1970年嘅啟德機場就已經有喇。


70年設港奉煙送酒

喺啟德嘅貴賓室叫Discovery Lounge，當然唔會有家咁多設施，但入面有書枱、玻璃咖啡枱，仲有安樂椅同一張梳化，不過，呢張梳化喺開幕後一日，就畀一個BB進行「受浸」儀式喇。但係，由於始終係國泰第一個貴賓室，所以國泰之後喺其他地方嘅貴賓室，亦以Discovery Lounge為設計參考。


國泰話，貴賓室入面最重要嘅資產，當然係3位Discovery Lounge女郎，話佢哋服務殷勤，仲經常以香檳同香煙招呼貴賓。