懶理阿伯斥「神棍」 朱牧忍得

【明報專訊】港台節目《城市論壇》噚日原本喺九龍城賈炳達道公園舉行，但因天雨關係臨時改到港台電視部錄影廠，但無損一班維園阿伯嘅雅興，佢哋噚日仍然十分投入於政改、普選等問題，喺佢哋眼中屬反中亂港嘅民主派噚日無議員做嘉賓，而發起「佔領中環」嘅朱耀明牧師，就慘成維園阿伯嘅攻擊對象，甚至被斥為「神棍」。


在場唔少維園阿伯，都對朱牧好反感，一時呼籲佢政教要分開，有人就舉牌話朱牧係基督教嘅「神棍」，每次朱牧發言，亦受到佢哋大鬧。朱牧面對批評都好按捺得住，平心靜氣咁話自己唔係代表教會，噚日亦唔係著牧師衫現身。反而主持謝志峰就為佢抱不平，話佢邀請朱牧做嘉賓，只係因為對方發起佔中，與佢牧師身分無關，如果台下觀眾再嘈，就會請佢哋離場。