試玩迷離大宅 邊睇邊聞

【明報專訊】噚日迪士尼樂園喺新園區迷離莊園搞試玩活動，Emily入去做白老鼠，體驗一吓呢個香港獨有嘅機動遊戲。同灰熊山谷一樣，迷離莊園主打一項遊樂設施——「迷離大宅」（圖），話說呢個「迷離大宅」係由英國探險家亨利爵士設立，位於熱帶雨林內，地庫係一間博物館，供市民參觀。博物館擺放亨利爵士嘅收藏品，賓客亦可從中參詳爵士嘅故事。


當Emily同同事坐上無軌列車進入陰暗大宅後，突然有強勁音響，嚇到Emily嗌咗一聲。其實大宅唔恐怖，仲幾好玩，會有得意嘅圖像以4K級別超高清呈現，仲識得變樣；加埋氣味甚至噴水，4D加4K可謂真嘅一樣。全長約5分鐘嘅車程，其間架車會不停轉向，搞到Emily都暈暈哋。