《陽光時務》長平唔撈

【明報專訊】《陽光時務週刊》1月中訪問前全國政協委員劉夢熊一炮而紅，但似乎周刊人事都有啲變動，噚日長平喺Twitter留言話已經唔係主編，「感謝在我主編這本雜誌的兩年時間內所有提供支持的人們！」Emily噚日搵唔到佢回應。


Emily搵過《陽光時務週刊》，接線人就話未收到長平辭職消息，內部家仲同佢傾緊合作關係，未有最後定論，現階段唔方便評論咁話。其實，之前已經有報道指出，《陽光時務週刊》出版人陳平相當強勢；而執行主編張潔平同行政總裁程益中早前分別辭職，家兩個位都懸空。睇番最新一期周刊，原來有啲記者都已離職。


現定居德國

長平做《陽光時務週刊》之前曾做《南都周刊》主筆，2008年發表評論西藏3.14騷亂文章後，被調任《南方都市報》副總編，前年1月被炒，及後向香港入境處申請以「輸入人才計劃」來港工作簽證，到家未獲批准，現定居德國。