EQ啟德碼頭撞到老友

【明報專訊】啟德郵輪碼頭今年6月啟用，大樓工程家已經搞得七七八八，立法會經濟事務委員會一班成員，噚日喺微雨下視察工程進度。議員都八八卦卦，問吓大樓設計，又不時喺巨蛋雷達呢個「景點」下影相留念。參加呢個考察團嘅民建聯葛珮帆（EQ），行行吓仲遇到馬鞍山選區嘅朋友劉先生，原來劉係項目嘅工程監督。


議員擔心唔夠泊車位

葛珮帆話，碼頭面積2萬呎，有360度維港景色的「天台花園」，嗰度又有餐廳、茶座、草地、商店，相信會成為市中心拍拖睇日落嘅勝地。


噚日天氣一般，又好大風，估計將來郵輪停泊都要30分鐘先得。大樓有唔少環保設計，但議員就擔心公眾私家車停車位只有136個，可能唔夠用。