新聞類別
財經
詳情#
【明報專訊】愛好美酒嘅城中名人不少，小琴聽聞發展局長陳茂波都係其中一個，不過波波並冇好似前政務司長唐英年咁自建地下行宮藏酒，十幾年來都係保存於英國皇家酒商BB&R為富豪專設嘅酒窖內。
前嗰排，有報道傳BB&R陷入財困、仲搞到要偷賣客人嘅紅酒還債，雖然公司之後已出嚟澄清反駁，事件暫告一段落，但聽聞波波之前就因此搞到一額汗喇﹗
政府證實 波波清明前後放假
小琴聽聞，波波為咗追尋紅酒下落，曾經親自飛到英國視察酒窖，睇完後懷疑有啲藏酒失咗蹤﹗政府發言人亦證實，波波清明節前後放過假，但就唔能夠確定佢係咪去咗英國。
BB&R亞太區銷售董事Simon Staples就話，波波今個月係去過英國酒窖睇酒，當時公司主席兼BB&R第7代傳人Simon Berry仲親自同佢食晚飯，上星期Simon Berry嚟香港出差，亦都再次款待波波，相信佢已經釋除疑慮喎。
BB&R董事﹕酒窖可藏850萬支酒
至於問到點解波波嘅酒會無故「失蹤」，Simon Staples就話係因為波波有啲非常罕有嘅紅酒，可能得一、兩箱，但成個酒窖勁大（可存放超過850萬支酒），一時間搵唔到都係好正常。佢仲好激動咁話︰「我做咗17年，公司從來都未試過唔見客人嘅酒﹗」仲話波波響BB&R存放紅酒至少都有15年咁耐。雖然係虛驚一場，但都戥波波出咗一額汗﹗
email: [email protected]
前嗰排，有報道傳BB&R陷入財困、仲搞到要偷賣客人嘅紅酒還債，雖然公司之後已出嚟澄清反駁，事件暫告一段落，但聽聞波波之前就因此搞到一額汗喇﹗
政府證實 波波清明前後放假
小琴聽聞，波波為咗追尋紅酒下落，曾經親自飛到英國視察酒窖，睇完後懷疑有啲藏酒失咗蹤﹗政府發言人亦證實，波波清明節前後放過假，但就唔能夠確定佢係咪去咗英國。
BB&R亞太區銷售董事Simon Staples就話，波波今個月係去過英國酒窖睇酒，當時公司主席兼BB&R第7代傳人Simon Berry仲親自同佢食晚飯，上星期Simon Berry嚟香港出差，亦都再次款待波波，相信佢已經釋除疑慮喎。
BB&R董事﹕酒窖可藏850萬支酒
至於問到點解波波嘅酒會無故「失蹤」，Simon Staples就話係因為波波有啲非常罕有嘅紅酒，可能得一、兩箱，但成個酒窖勁大（可存放超過850萬支酒），一時間搵唔到都係好正常。佢仲好激動咁話︰「我做咗17年，公司從來都未試過唔見客人嘅酒﹗」仲話波波響BB&R存放紅酒至少都有15年咁耐。雖然係虛驚一場，但都戥波波出咗一額汗﹗
email: [email protected]
留言 (0)
