CY又訪京

【明報專訊】特首梁振英（CY）上個月去咗2次北京官式外訪，好快咁又喺明晚去北京，翌日返港。成日話要搞「內交」嘅CY，今次訪京話係拜訪中央部委，包括商務部及國家發展和改革委員會。


CY上月去北京及天津時都有拜會部委，當時話想去見商務部但安排唔到，事隔一個月，佢再度訪京。今次出訪，除咗佢自己，同行包括商務及經濟發展局長蘇錦樑、政制及內地事務局長譚志源、行政長官辦公室主任邱騰華，以及政府新聞處長黃偉綸等。


CY離港期間，政務司長林鄭月娥會署理行政長官職務，而政制及內地事務局副局長劉江華，又可以過吓署理局長癮！