美職業排名 報紙記者包尾

【明報專訊】行行出狀元，究竟係咪真？最近美國網站CareerCast分析200類工作，根據工作環境、收入、壓力等因素，以及美國嘅勞工統計局統計、考慮職業安全與健康管理局和貿易協會數據進行排名，結果發現，報紙記者係排第尾，即係2013年最差嘅行業，而去年同樣調查報紙記者排名已係第196，今次可謂無可再衰。


根據排名，報紙記者嘅評級差過伐木工人、看門人、垃圾收集者和公車司機，原因包括：記者薪水低、高壓力、有deadline、幾乎時時刻刻都係工作、傳統報紙行業萎縮、互聯網媒體節奏快、整天守着twitter等，不過CareerCast問過記者意見，雖然佢哋認同待遇同行業發展無以前咁好，但媒體工作始終有吸引力，認為自己嘅報道可以影響民眾。


至於最好嘅行業係乜？排第一係精算師，其次係生物醫學工程師同軟件工程師。