林德信閃入人群避松岡

【明報專訊】緋聞男女林德信和松岡李那前晚前後腳現身《鐵甲奇俠3》首映禮，不過當松岡與導演錢國偉影合照時，林德信即閃身走入酒會人群，婉拒跟松岡合照。林德信聲稱是應錢國偉之邀睇首映，不知道松岡出席，他笑說﹕「有可能錢國偉跣我，我怕醜，覺得自己今晚不夠靚仔，不想見報，等我打扮靚仔，就不介意合照。」


而松岡提起林德信，即緊張標汗，被問知不知林德信出席？她語無倫次說﹕「No、Yes、No、Yes！」她自言不知座位編排會否跟林德信坐在一起睇戲，打算散場後會回家，但林德信則說不排除睇完戲會相約去街。


莊思敏為楊秀惠尋車

同場的莊思敏以豹紋上衣配短牛仔短褲亮相，僅曬長腿；她不認與導演葉念琛拍拖而封胸，莊思敏說﹕「我打扮視乎場合，睇戲想舒服一點，到我的電影首映才性感。」提到大馬鄉里楊秀惠家人被搶車，身為大馬拿督千金的莊思敏表示已發散家人和世叔伯幫手尋車，她說﹕「最緊要人身安全，大馬治安比香港差，有提家人小心，不過我算好彩，試過遺失手袋能尋回。」


記者﹕鍾一虹

攝影﹕鍾偉茵

■有片睇﹕http://ol.mingpao.com/ent.htm