陳甘美華似林鄭？

【明報專訊】一眾高官一連3日參與「全城清潔運動」，去各區大掃除。帶頭嘅政務司長林鄭月娥，噚日喺大埔墟街市巡視，畀大批傳媒包圍，民政事務總署長陳甘美華（右）就喺另一邊派清潔包畀主婦。


可能係陳太嘅髮型、面型同林太有幾分相似，有街坊認錯人，誤叫陳太做林太，搞到陳太笑笑口講「林太喺嗰邊」。問陳太會唔會覺得尷尬，佢就話「我一直覺得林太係一個好叻、好能幹嘅人」。


（楊德銘攝）