包致金回憶錄盛惠$488

【明報專訊】終審法院非常任法官包致金既回憶錄Recollections終於出爐，仲大爆令佢好想留任終院常任法官嘅原因。原來係爭拗國家絕對豁免權安排嘅剛果案中，作出「包拗頸」嘅3比2裁決後，佢被知會唔可以再續任終院常任法官，而正正係呢單案，令包致金希望繼續留任。


想續任皆因剛果案

據Emily理解，包致金認為，雖然以往佢做嘅「包拗頸」裁決屬於小眾想法，但隨住時代轉變，仍然有可能被陸續咁接受。不過，終院喺剛果案中就「一國兩制」嘅演繹，包致金就認為已經無法扭轉，加上當時只係3比2裁決，若然佢仲可以留任，佢好希望喺相同性質嘅案件中，爭取一個大比數裁決，再次確保「兩制」喺「一國」之中嘅重要，而另一位同包致金一齊作出拒絕釋法裁決嘅，就係非常任法官馬天敏。


書名言簡意賅就叫「回憶」，同包法官寫嘅判辭一樣一語中的。書賣成488蚊，講真一啲都唔平，不過Emily相信包法官嘅粉絲一定會覺得非常值得。