工聯酒會 議員甩底

【明報專訊】工聯會噚晚舉行酒會，但罕有地無立法會議員現身，皆因人民力量同社民連拉布，全部議員都要被迫留守立法會，令到酒會美中不足。工聯會榮譽會長鄭耀棠就話，唔少會員都問點解唔見班議員，搞到佢哋都好無奈。


除咗唔見班議員，商界亦唔多代表現身，但Emily就見到廠商會會長施榮懷同中華出入口商會會長莊成鑫在場。特首梁振英選舉時獲工聯會支持，工聯會搞活動，佢當然有畀面捧場。


吳秋北談工時立法 施榮懷：聽唔到

勞工界主場，工聯會理事長吳秋北唔客氣，左一句30蚊標準工時遠遠滯後要求一年一檢，右一句標準工時一定要立法。不過施榮懷就話當時同人傾偈，乜都聽唔到。


經民聯日前訪京獲人大委員長張德江接見，工聯會就話短期內未有計劃訪京，佢哋忙於為65周年會慶搞活動，亦相信領導人都好忙。