新聞類別
財經
詳情#
【明報專訊】曾經長駐金沙中國（1928）旗下威尼斯人度假村的太陽劇團離開一段時間後，最近終於有新搞作，聯同美國上市嘅夢工場，喺金光大道裏面嘅威尼斯人同金沙城中心，大搞「體驗夢工埸」。第日除咗喺威尼斯人睇史力加同功夫熊貓阿寶喺劇場做show，聽講仲可以睇佢哋巡遊，同佢哋合照，一齊食飯，甚至請佢哋出席婚宴同生日會都得。
非一味靠賭 照顧家庭客
金沙中國銷售及度假村市場發展副總裁白易禮仲賣關子，將來點止只有11個卡通人物亮相咁簡單，希望將來搵多啲其他卡通人物喎。佢哋同夢工場第一期嘅合作將由今年7月1日開齋，起碼去到10月份，其間雙方會進行市場調查，了解吓客仔反應；第二期合作由今年秋季開始，初步有3D投射匯演，仲有夢工場為主題嘅冰fun世界。
講真，近年澳門多咗大型綜合度假村開檔，家庭客多咗，唔可以一味靠賭錢吸引客仔。啲博彩公司已經絞盡腦汁，開多啲唔同嘅購物，娛樂同飲食元素，照顧家庭客。
金沙非博彩生意佔12％
目前係非博彩生意方面，金沙、銀河娛樂（0027）同新濠博亞（6883）都算積極。當中金沙喺非博彩嘅生意已接近12%，係咁多家濠賭股當中非博彩生意最多。白易禮又話，單單喺上年夏季旺季期間，家庭客已佔50%，帶埋細路嚟幫襯嘅都佔20%，佢哋仲度緊點樣吸引呢班家庭客繼續捧場。
今次威尼斯人請到功夫熊貓同史力加過大海，不過總裁愛德華•卓思只現身一陣就速閃。似乎更多嘅好料，唯有等第一季度業績先揭盅。
email: [email protected]
非一味靠賭 照顧家庭客
金沙中國銷售及度假村市場發展副總裁白易禮仲賣關子，將來點止只有11個卡通人物亮相咁簡單，希望將來搵多啲其他卡通人物喎。佢哋同夢工場第一期嘅合作將由今年7月1日開齋，起碼去到10月份，其間雙方會進行市場調查，了解吓客仔反應；第二期合作由今年秋季開始，初步有3D投射匯演，仲有夢工場為主題嘅冰fun世界。
講真，近年澳門多咗大型綜合度假村開檔，家庭客多咗，唔可以一味靠賭錢吸引客仔。啲博彩公司已經絞盡腦汁，開多啲唔同嘅購物，娛樂同飲食元素，照顧家庭客。
金沙非博彩生意佔12％
目前係非博彩生意方面，金沙、銀河娛樂（0027）同新濠博亞（6883）都算積極。當中金沙喺非博彩嘅生意已接近12%，係咁多家濠賭股當中非博彩生意最多。白易禮又話，單單喺上年夏季旺季期間，家庭客已佔50%，帶埋細路嚟幫襯嘅都佔20%，佢哋仲度緊點樣吸引呢班家庭客繼續捧場。
今次威尼斯人請到功夫熊貓同史力加過大海，不過總裁愛德華•卓思只現身一陣就速閃。似乎更多嘅好料，唯有等第一季度業績先揭盅。
email: [email protected]
留言 (0)
