證監劇現九字回應法

【明報專訊】呢排廉政公署好紅，佢哋嘅前一哥湯顯明，被揭以公帑飲飲食食，其中兩場宴會更以茅台、XO款客，記者問番湯顯明回應時，佢就話「不記得」上述兩次宴會詳情。講開呢個「不記得」嘅答法，其實真係幾好用，Emily前晚睇香港電台同證監會製作嘅節目《證義搜查線2》，嗰集係講曾經因為國際配售認購不足而擱置上市嘅公司「萬軍」，委託「富榮」證券行負責國際配售，而「富榮」股票經紀新仔懷疑有人「圍飛」，但就被上司警告唔好張揚。調查期間，上司好淡定，教定新仔緊記九字真言，就係被人問乜，只要一概回答「不清楚，不知道，不記得」，咁就得喇！


當然，呢套劇係正義必勝，最終因為一個電郵而可以起訴違規者，但呢9隻字，對有留意開新聞同埋政界人物嘅市民，真係別有一番滋味喇，對於一啲鍾意語言偽術嘅人嚟講，絕不陌生。