最低消費2.5萬

【明報專訊】近來大家都好關注官員們外訪開支，其實，除咗官員，立法會每年都有幾團議員外訪，今次就係「扶貧小組委員會」提出，去芬蘭及瑞典考察，觀摩人哋嘅扶貧及解決人口老化嘅經驗。呢個團行程預計8月19日至24日，主要會去赫爾辛基及斯德哥爾摩兩個城市。立法會秘書處計數，如果坐經濟客位，住宿交通等開支，每人開支25,698元，如果搭商務客位就要45,098元。


去芬蘭及瑞典

呢個行程會住斯德哥爾摩酒店2晚，費用要4074元，即係每晚2000元，北歐嘅物價指數真係幾高。至於赫爾辛基嘅酒店就平啲，兩晚盛惠3392元。按照立法會安排，每位議員任內都有一個數額為5.5萬元嘅海外職務訪問帳目，如使費超支，就由議員自己支付。