大姐大手記﹕毒舌黃秋生辦劇團邀劉嘉玲演出

【明報專訊】大姐大覺得黃秋生是性情中人，喜歡說什麽便什麼，就是因為他這種性格，經常惹是非，這幾個月是非不斷，講完不知道誰是小豬（羅志祥）之後，令「豬迷」極度憤怒，在網上罵戰好一段時間，更罵願意做和事老的「譚校長」譚詠麟。之後，杜汶澤憑《DIVA華麗之後》奪得電影評論學會最佳男主角，秋生又不認同這位影帝。余文樂與吳雨霏（Kary）拍拖，秋生反問誰是Kary，他更說不聽流行音樂，要聽的話都聽莫扎特。最新的「偉論」是「叫藝人跳水，倒不如去跳樓」，辣㷫不少火頭。


大姐大忍不住說秋生把口衰，他陰陰嘴笑說：「我係毒舌，係內地傳媒幫我改的。」他自嘲前世是八婆，所以「今世把口唔收」。秋生說：「我發覺一樣嘢，人善被人欺，開頭唔出聲就愈來愈大件事，好似現在毒舌一下就乜事都冇，這是我的經驗之談。有嘢反擊反而冇事發生，以前我就係甚少反擊。」


秋生並非鍾意鬧交：「大是大非，我一定會出聲，例如話全港男人都是鹹濕佬，全港女人都是姣婆，起碼講一兩句以正視聽，這不是針對人，而是針對這言論。」秋生不覺得是非不斷好煩：「娛樂圈就係咁，好似玩閃避球，你有權掟，我有權避，大家要明白遊戲規則，唔可以話『唔好掟我呀』，冇可能！」


講起熱愛的舞台劇，秋生即一本正經透露辦了劇團「神戲劇場」。「搞舞台劇是我的願望，我已50幾歲，若果再不辦，過多幾年就無力做，咁就一世。既然口噏噏咁多年，剛巧遇到志同道合的人，一說就搞成，好開心。」秋生首個舞台劇已有幾個構思，他想找劉嘉玲、王祖藍、王菀之和張敬軒演出。「我未接觸嘉玲，但很想跟她合作，因為她之前來捧我場，睇我做舞台劇，睇得好興奮，我覺得她好鍾意舞台劇，與她合作會帶給觀眾驚喜。首齣舞台劇明年5月公演，由張敬軒演出。」秋生獲公認好戲，做舞台劇搞手又如何？大姐大拭目以待。