母親節落區葉太除鞋玩滑梯

【明報專訊】有政黨以蛇齋餅糉吸引支持，其實timing都重要，趁住節日搞活動，等市民都有印象議員「有做嘢」。噚日母親節，無論係泛民定建制派都趁機落區，向市民派花，仲紛紛喺facebook上載派花相片，「打卡」證明自己有落區。


議員周街派花 CY念媽媽

工聯會黃國健、民建聯陳克勤同陳恒鑌、民主黨劉慧卿及獨立謝偉俊等，噚日朝早開始已經喺所屬選區內派花，大人細路都有份。不過，議員一般都係派花，有錢議員就唔同啲，好似新民黨田北辰就租用咗吹氣滑梯，放喺佢選區內嘅愉景新城，等小朋友玩得開開心心。黨主席葉劉淑儀噚日去探班時，仲同小朋友一齊除鞋爬上去玩