辯六四議案 官員又無影

【明報專訊】立法會幾乎年年都有議員提出平反六四嘅議案，今年都唔例外，由何俊仁負責提出，抽中喺5月15日嘅會議進行辯論。今次係特首梁振英（CY）上場後，立法會首次嘅六四議案，但CY同曾蔭權一樣，已經向立法會表明，屆時無官員出席呢項動議辯論。


CY喺1989年六四事件後，曾於報章刊登署名廣告，譴責中共血腥鎮壓。到佢當選特首後已拒評六四，只係講過「關於六四的事，我已說了好多，我再無補充」。所以，政府一如既往無官員出席立法會，都係意料中事。


何俊仁提出 明日進行

六四議案之前提過13次，全遭否決，預料今年再提出，都只係一個表態，泛民亦唔會期望議案可以通過。