新聞類別
財經
詳情#
【明報專訊】港交所（0388）早排搵咗恒生（0011）前行政總裁梁高美懿入董事局，交易所女權即刻高漲！講緊嘅係港交所原來內部成立咗個叫「女菁匯」嘅會，據講係一個由員工發起，目的係喺公司內部推動各項政策及發展計劃，支援女性擔任領導角色，個會男、女同事都可參與。為咗隆重其事，港交所下個禮拜會搞個成立儀式，行政總裁李小加、梁高美懿都會出席，仲請嚟記協副主席任美貞做嘉賓。
小琴問交易所，女菁匯是否同梁高加盟有關，港交所發言人就話，其實呢個會成立咗一排，已喺公司搞咗幾個講座，今次只係正式搞儀式咁解。發言人又話，港交所家有45%員工係女性，最高嗰4級嘅職位，亦有四成係女士，其實分佈算均勻。
至於點解會請任美貞做嘉賓？發言人話傳媒呢一行女性比例頗高，所以請任美貞嚟分享吓作為在職媽媽的心得。
email: [email protected]
小琴問交易所，女菁匯是否同梁高加盟有關，港交所發言人就話，其實呢個會成立咗一排，已喺公司搞咗幾個講座，今次只係正式搞儀式咁解。發言人又話，港交所家有45%員工係女性，最高嗰4級嘅職位，亦有四成係女士，其實分佈算均勻。
至於點解會請任美貞做嘉賓？發言人話傳媒呢一行女性比例頗高，所以請任美貞嚟分享吓作為在職媽媽的心得。
email: [email protected]
留言 (0)
