林鄭細個最想做社工

【明報專訊】好快又係暑假，港台啟動「太陽計劃」活動，政務司長林鄭月娥噚日畀面出席。林鄭喺活動上透露，原來佢細個無諗過從政，夢想係想成為社工，服務市民。


寄語年輕人咪太多包袱

林鄭話，中學時代參加校內社會服務隊，有唔少機會接觸各界做探訪工作。佢憶述當年並無太多社會行動，即使做社工都係較為個人化，協助弱勢社群，同家為人爭取公義有分別。佢寄語年輕人，對未來唔好有太多包袱，仲以歌曲《同舟之情》，希望大家聯想起港人不屈不撓嘅精神，記住700萬人係一家，未來日子能夠多啲歡樂及和諧咁話。