新聞類別
港聞
詳情#
【明報專訊】特首梁振英上任之後，甚少接受本地傳媒專訪，即使傳媒機構申請，亦唔係實得，但係親中報章《文匯報》就喺CY眼中跑出，噚日刊登梁振英專訪三大版，成個訪問都係講CY生活係點，極少講敏感政事。呢篇形容CY做「宅男」嘅訪問中，CY話自己無論日頭定夜晚，都可以秒速入睡，秘訣就係「上牀唔好諗嘢、諗嘢唔好上牀」。CＹ拋出金句，網民肯定又有二次創作嘅空間。
受訪稱晚上10點開會
CY喺訪問中講，大部分時間都係工作，每日凌晨1點瞓覺，朝早7點起身，8點返工，除咗瞓覺，都喺度做事，仲透露經常喺禮賓府夜會官員。佢話，晚上9點、10點，相信行會成員同政府同事都未瞓，與其send短訊或者打email，不如大家直接見面，反正揸車上禮賓府好方便咁話。Emily都好戥同佢夜會嘅人慘，老細唔收工，唔通真係要等標準工時立法後先至可收工？
喺佢山頂大宅都有養狗嘅CY，搬入禮賓府後領養多咗隻雪橇犬，CY被外界話佢係「狼英」，據講梁振英初初見到隻雪橇犬時，覺得有啲狼相，曾經諗過將隻狗改名「狼英」，後來發覺隻狗「靚仔過我」，人見人愛，於是改名為「邦」（Bond），因為好似占士邦咁型，估唔到CY會將隻狗同自己比較喎。
CY未做特首之前，有搭港鐵嘅習慣，佢話做特首後試過搭地鐵，有4個保鑣跟住，連佢都話「太大陣仗，亦好擾民」，所以無再搭。
成篇訪問其實都賣軟性，《文匯報》記者仲喺訪問中透露，佢搭的士去禮賓府時，的士司機第一句就問佢哋「點解去賊竇呀？」，但CY就話對批評睇得好淡，仲用英國前首相戴卓爾夫人自比，話戴太去世時仍被評價功過，佢覺得唔應該花時間諗呢啲問題，而係做自己該做的事喎。
自比鐵娘子 「對批評睇得淡」
Emily噚日有向特首辦打聽，點解咁多傳媒要求訪問，CY大細超？特首辦話收到傳媒邀請後，最終交由特首考慮喎。
受訪稱晚上10點開會
CY喺訪問中講，大部分時間都係工作，每日凌晨1點瞓覺，朝早7點起身，8點返工，除咗瞓覺，都喺度做事，仲透露經常喺禮賓府夜會官員。佢話，晚上9點、10點，相信行會成員同政府同事都未瞓，與其send短訊或者打email，不如大家直接見面，反正揸車上禮賓府好方便咁話。Emily都好戥同佢夜會嘅人慘，老細唔收工，唔通真係要等標準工時立法後先至可收工？
喺佢山頂大宅都有養狗嘅CY，搬入禮賓府後領養多咗隻雪橇犬，CY被外界話佢係「狼英」，據講梁振英初初見到隻雪橇犬時，覺得有啲狼相，曾經諗過將隻狗改名「狼英」，後來發覺隻狗「靚仔過我」，人見人愛，於是改名為「邦」（Bond），因為好似占士邦咁型，估唔到CY會將隻狗同自己比較喎。
CY未做特首之前，有搭港鐵嘅習慣，佢話做特首後試過搭地鐵，有4個保鑣跟住，連佢都話「太大陣仗，亦好擾民」，所以無再搭。
成篇訪問其實都賣軟性，《文匯報》記者仲喺訪問中透露，佢搭的士去禮賓府時，的士司機第一句就問佢哋「點解去賊竇呀？」，但CY就話對批評睇得好淡，仲用英國前首相戴卓爾夫人自比，話戴太去世時仍被評價功過，佢覺得唔應該花時間諗呢啲問題，而係做自己該做的事喎。
自比鐵娘子 「對批評睇得淡」
Emily噚日有向特首辦打聽，點解咁多傳媒要求訪問，CY大細超？特首辦話收到傳媒邀請後，最終交由特首考慮喎。
留言 (0)
