鴨餅返尖東等好天

【明報專訊】本來諗住噚日重出江湖嘅黃色巨鴨Rubber Duck，因為天雨同雷暴，搞到要匿埋多一陣，暫時唔可以吹脹住，要等到好天至得。不過，天文台預告未來一個禮拜都會落雨，今日仲繼續有雷暴，隻鴨幾時至出得嚟呢？


查實綁住鴨鴨條纜索已經整番好，未吹脹嘅「鴨餅」噚晚亦已運返去尖沙嘴，因為噚晚又雷又雨，搞到無法吹脹。


噚日除咗雷雨令隻鴨無得再登場，天氣仲好翳熱，天文台錄得31.6度，原來係今年最高紀錄！