今年「平反六四」動議

【明報專訊】就快到六四事件24周年，泛民議員每年都提「平反六四」嘅動議，不過上年立法會拉布，搞到議案傾唔成而斷纜，今年民主黨何俊仁就再提呢個動議，原定本周會期討論，但最終因為多議程要討論，需要延遲到下個禮拜三（5月29號），係六四周年前嘅最後一次立法會會議，喺咁近六四紀念日先討論，似乎反而對民主派係好事。


議程多延下周討論

提出動議的何俊仁話，立法會主席曾鈺成估計動議將於今晚8點幾先開始，故將六四辯論安排喺下星期，佢對此表示「順其自然」。


范國威海報被毁報警

六四臨近，唔少泛民嘅地區辦事處都貼上六四海報，但新民主同盟范國威喺華明邨辦事處門外貼嘅六四海報，就被人毁壞，噚日朝早職員發現海報被貼上寫有「做個愛黨愛國中國人 不做港英奴才英國狗」嘅貼紙，貼紙右下方印咗「愛護香港力量」字眼，佢哋即時報警處理。范國威批評對六四唔同意見可以表達，但唔接受惡意毁壞他人財物。