新聞類別
財經
詳情#
【明報專訊】內地江蘇衛視有個問答比賽節目《一站到底》，上星期四播出嗰集，其中一個參賽者特別令人注目。呢個26歲的張夢涵响自我介紹嗰陣，聲稱自己响香港瑞銀工作，而且入行3年已經係呢間「擁有150年歷史的投資銀行副董事」，年薪7位數字，咁出色嘅事業背景，唔單止主持人大讚佢係「中國最成功年輕小伙子」，連節目宣傳都標榜「百億銀行董事空降《一站到底》」。
小琴向中環投行朋友報料，佢睇到忍唔住笑。又難怪內地電視製作人員會有咁嘅誤會，話晒驟耳聽落，入行3年就做到國際投行「副董事」肯定非常犀利，但實情行內人都清楚，副董事只不過係投行畀基層職員一個比較好聽嘅職銜，同一般大眾所認知嘅公司董事，層次上完全係兩回事。探子回報話，呢位張公子喺瑞銀企業融資部工作，負責企業上市等工作，基本只係聽order行事，有排都未到揸fit人之位。
等小琴同各位看官普及一下投行職銜：副董事之上仲有董事，再上係執行董事，再之上仲有董事總經理，去到呢個位先叫可以獨當一面。
副董事乃投行基層職位
至於7位數年薪，探子話係事實，不過當中有唔少係要等幾年後才可以行使的瑞銀認股權證。
查實呢位張公子本來撻瑞銀朵都無咩問題，衰在太過炫富。唔少網民睇完嗰集都批評張夢涵金錢掛帥的價值觀，佢舉止態度亦有問題，例如話佢全程都以手插褲袋，又話自己「輸咗返屋企要跪Hermes」，炫富態度惹人反感。
之不過小琴中肯講句，張夢涵响節目度都表現出佢嘅知識唔錯，節目要求參加者打贏其他9個對手先算勝出，而佢總算一口氣擊敗4人，不過挑戰第5人時，因為唔知《封神演義》周文王响邊條河遇到姜太公釣魚而結果被out。至於答案，其實係渭河。
email: [email protected]
小琴向中環投行朋友報料，佢睇到忍唔住笑。又難怪內地電視製作人員會有咁嘅誤會，話晒驟耳聽落，入行3年就做到國際投行「副董事」肯定非常犀利，但實情行內人都清楚，副董事只不過係投行畀基層職員一個比較好聽嘅職銜，同一般大眾所認知嘅公司董事，層次上完全係兩回事。探子回報話，呢位張公子喺瑞銀企業融資部工作，負責企業上市等工作，基本只係聽order行事，有排都未到揸fit人之位。
等小琴同各位看官普及一下投行職銜：副董事之上仲有董事，再上係執行董事，再之上仲有董事總經理，去到呢個位先叫可以獨當一面。
副董事乃投行基層職位
至於7位數年薪，探子話係事實，不過當中有唔少係要等幾年後才可以行使的瑞銀認股權證。
查實呢位張公子本來撻瑞銀朵都無咩問題，衰在太過炫富。唔少網民睇完嗰集都批評張夢涵金錢掛帥的價值觀，佢舉止態度亦有問題，例如話佢全程都以手插褲袋，又話自己「輸咗返屋企要跪Hermes」，炫富態度惹人反感。
之不過小琴中肯講句，張夢涵响節目度都表現出佢嘅知識唔錯，節目要求參加者打贏其他9個對手先算勝出，而佢總算一口氣擊敗4人，不過挑戰第5人時，因為唔知《封神演義》周文王响邊條河遇到姜太公釣魚而結果被out。至於答案，其實係渭河。
email: [email protected]
留言 (0)
