新聞類別
財經
詳情#
【明報專訊】如果「動口不動手」就算係君子，咁「動筆不動口」就應該可以榮膺「君子中的君子」稱號啦。話說，內房股融創中國（1918）前日畀德銀出report唱淡，評級由「買入」直接降至「沽售」。不出小琴所料，一向極力睇好融創嘅花旗，隔日就已經忍唔住作出反擊，除咗同樣曬出長篇報告外，仲將融創目標價「象徵性」咁由9.21元微升至9.23元，「力撐」意味十足！
雖然冇舞刀弄槍、指名道姓，但分析員之間「嗌交」，火藥味完全唔輸畀街坊。花旗一開口，就直言「我哋睇融創會用更加實際、公平嘅方法，而唔會拿佢直接同龍頭股中國海外（0688）、潤地（1109）對比」，似乎暗指德銀吓吓話融創各項指標唔够央企大藍籌咁靚，有失公允。
反駁報告 剛好多德銀一頁
唔單止咁，花旗仲花心思整咗好多表格， 」，仲不點名指出德銀對收購事項缺乏「全面認識」，進而誇大咗土地增值稅對公司嘅負面影響。
齋睇篇幅，花旗今次撐融創份報告一共有23頁，剛剛好多出德銀1頁。小琴作為旁觀者，睇熱鬧就梗係心情輕鬆啦。不過，融創股價噚日升得1.4%，未收復前日大跌逾5%嘅失地，之後表現勁唔勁，仍然係未知之數。大家都係擦亮雙眼、拭目以待啦！
雖然冇舞刀弄槍、指名道姓，但分析員之間「嗌交」，火藥味完全唔輸畀街坊。花旗一開口，就直言「我哋睇融創會用更加實際、公平嘅方法，而唔會拿佢直接同龍頭股中國海外（0688）、潤地（1109）對比」，似乎暗指德銀吓吓話融創各項指標唔够央企大藍籌咁靚，有失公允。
反駁報告 剛好多德銀一頁
唔單止咁，花旗仲花心思整咗好多表格， 」，仲不點名指出德銀對收購事項缺乏「全面認識」，進而誇大咗土地增值稅對公司嘅負面影響。
齋睇篇幅，花旗今次撐融創份報告一共有23頁，剛剛好多出德銀1頁。小琴作為旁觀者，睇熱鬧就梗係心情輕鬆啦。不過，融創股價噚日升得1.4%，未收復前日大跌逾5%嘅失地，之後表現勁唔勁，仍然係未知之數。大家都係擦亮雙眼、拭目以待啦！
留言 (0)
