田二少嫁女送社企曲奇

【明報專訊】新民黨副主席田北辰（田二少）近排喜事重重，兩位千金出閣﹕三女田植鏘（Lavina）明日出閣，嫁畀從事金融業嘅男友；大女田植茵（Lauren）就會喺7月同男友拉埋天窗。


田二少好有Emily心意，噚日送咗嫁女餅嚟畀我哋一班手足。不過，田二少唔係派傳統禮餅，亦唔係送西餅，而係幫襯東華三院轄下社企iBakery，由社企幫佢精製嫁女曲奇餅。除咗有心形及「囍」字嘅餅乾，仲有「田」字的趣致曲奇，一睇就知係田家嫁女。Emily喺度祝賀新人白頭偕老，田二少快啲抱孫。